ശ്രീനഗര്‍: ജമ്മു കശ്മീരില്‍ ഭീകരരുടെ വെടിയേറ്റ് സൈനികന്റെ സഹോദരന്‍ കൊല്ലപ്പെട്ടു. തിങ്കളാഴ്ച രാത്രി ജമ്മു കശ്മീരിലെ രജൗരി ജില്ലയിലാണ് സംഭവം. അബ്ദുല്ല റസാഖ് എന്ന ആളാണ് കൊല്ലപ്പെട്ടത്.
അബ്ദുല്ല റസാഖ് താനമണ്ടി പോലീസ് സ്റ്റേഷന്‍ പരിധിയിലെ തന്റെ ഗ്രാമമായ കുന്ദ ടോപ്പിലെ ഒരു പള്ളിയില്‍ നിന്ന് പുറത്തിറങ്ങിയപ്പോഴാണ് ദാരുണമായ സംഭവം. റസാഖിന്റെ സഹോദരന്‍ ടെറിട്ടോറിയല്‍ ആര്‍മിയില്‍ സൈനികനാണ്. അടുത്തുനിന്നാണ് ഭീകരര്‍ വെടിയുതിര്‍ത്തതെന്ന് ഉദ്യോഗസ്ഥര്‍ വ്യക്തമാക്കിയിട്ടുണ്ട്
സുരക്ഷാ ഉദ്യോഗസ്ഥര്‍ സംഭവസ്ഥലത്തെത്തുകയും പ്രദേശത്ത് തിരച്ചില്‍ നടത്തുകയും ചെയ്തു.
