ശ്രീകുമാർ ഉണ്ണിത്താൻ
ന്യൂയോർക്ക് : സജിമോൻ നേതൃത്വം നൽകുന്ന ഡ്രീം ടീമിന്റെ ഭാഗമായി ഫൊക്കാനയുടെ 2024-2026 ഭരണസമിതിയിൽ നാഷണൽ കമ്മിറ്റിയിലേക്ക് സോമോൻ സക്കറിയ കൊണ്ടൂരാനും മത്സരിക്കുന്നു. കനേഡിയൻ മലയാളീ അസോസിയേഷന്റെ വൈസ് പ്രസിഡന്റ് കൂടിയാണ് സോമന്‍ സക്കറിയ.
പ്രമുഖ സാമൂഹിക പ്രവർത്തകനും കനേഡിയൻ മലയാളികളുടെ പ്രിയങ്കരനുമായ സോമോൻ മികച്ച സംഘാടകനും സാംസ്‌കാരിക മേഖലകളിലും ബിസിനസ് രംഗത്തും തിളങ്ങി നിൽക്കുന്ന വ്യക്തിയാണ്. സംഘടനകൾക്കതീതമായി കാനഡയിലെ മലയാളികൾക്കിടയിൽ വ്യക്തിപ്രഭ ചൊരിഞ്ഞിട്ടുള്ള സോമോൻ മുഖം നോക്കാതെ മറ്റുള്ളവർക്ക് എന്ത് സഹായത്തിനും ഓടിയെത്തുന്ന വ്യക്തിയാണ്. വളരെ കുറച്ചു സമയംകൊണ്ട് കനേഡിയൻ മലയാളീ അസോസിയേഷനെ കാനഡയിലെ തന്നെ മികച്ച ഒരു അസോസിയേഷൻ ആക്കിമാറ്റാൻ കഴിഞ്ഞത് സോമോൻ സക്കറിയയുടെ ശ്രമഫലമാണ്. ഫൊക്കാനയുടെ റീജണൽ വൈസ് പ്രസിഡന്റ് ആയിരുന്നു സോമൻ. ഫൊക്കാനയുടെ വിവിധ കൺവെൻഷനുകളുടെ നടത്തിപ്പിനായി രൂപീകരിക്കപ്പെട്ട പല കമ്മിറ്റികളിലും അംഗമായിരുന്നു. ഒരു ചാരിറ്റി പ്രവർത്തകൻ കൂടിയായ അദ്ദേഹം കാനഡ-അമേരിക്കൻ മലയാളി സമൂഹത്തിൽ ഏവർക്കും സുപരിചിതയാണ്.
കൊണ്ടൂരാൻ ട്രക്കിങ്ങ് കമ്പനി ഉടമയായ സോമോൻ മലയാളീ ട്രക്കേഴ്‌സ് അസോസിയേഷൻ (MTAC) പ്രസിഡന്റ് കൂടെയാണ്. നാഷണൽ ഫെഡറേഷൻ ഓഫ് കാനേഡിയൻ മലയാളീ അസോസിയേഷന്റെ ട്രഷറും ആയിരുന്നു. ടൊറന്റോ സെയിന്റ് ഇഗ്‌നാത്തിയോസ് ക്നാനായ പള്ളിയിലെ കമ്മിറ്റി മെമ്പറായും പ്രവർത്തിക്കുന്നു . കാനഡയിലെ ഒന്റാരിയോ- ലണ്ടനിൽ താമസിക്കുന്ന സോമോൻ കാനഡയിൽ കുടിയേറും മുൻപ് സിഗപ്പൂരിലായിരുന്നു. ഭാര്യ: ആശ സോമോൻ . മക്കൾ: ജാക്ക്, ഡോൺ,ഈഡൻ, ബ്രാഡ്‌ലി,മിഗ്വേൽ.
മാറ്റങ്ങൾക്ക് ശംഖൊലി മുഴങ്ങിക്കൊണ്ടിരിക്കുന്ന ഫൊക്കാനയിൽ ഇത്തവണ യുവാക്കളുടെ വലിയ നിരതന്നെയാണ് സജിമോൻ ആന്റണിയുടെ നേതൃത്വത്തിൽ മുന്നോട്ടുവരുന്നത്. കാനഡയിൽ നിന്നുള്ള എല്ലാവരും ഒരേ സ്വരത്തിൽ സോമോൻ സക്കറിയയുടെ മത്സരത്തെ പിന്തുണക്കുന്നു. കൂടാതെ സെക്രട്ടറിയായി മത്സരിക്കുന്ന ശ്രീകുമാർ ഉണ്ണിത്താൻ, ട്രഷർ ആയി മത്സരിക്കുന്ന ജോയി ചക്കപ്പൻ, എക്സി . പ്രസിഡന്റ് സ്ഥാനാർഥി പ്രവീൺ തോമസ് , വൈസ് പ്രസിഡന്റ് സ്ഥാനാർഥി വിപിൻ രാജു, ജോയിന്റ് സെക്രട്ടറി സ്ഥാനാർഥി മനോജ് ഇടമന , ജോയിന്റ് ട്രഷർ ജോൺ കല്ലോലിക്കൽ , അഡിഷണൽ ജോയിന്റ് സെക്രട്ടറി അപ്പുകുട്ടൻ പിള്ള, അഡിഷണൽ ജോയിന്റ് ട്രഷർ മില്ലി ഫിലിപ്പ് ,വിമൻസ് ഫോറം ചെയർപേഴ്സൺ സ്ഥാനാർഥി രേവതി പിള്ള, നാഷണൽ കമ്മിറ്റി മെംബേഴ്‌സ് ആയ സോണി അമ്പൂക്കൻ ,രാജീവ് കുമാരൻ, അഡ്വ. ലതാ മേനോൻ ,ഷിബു എബ്രഹാം സാമുവേൽ,ഗ്രേസ് ജോസഫ്, അരുൺ ചാക്കോ, മേരി ഫിലിപ്പ് , മേരികുട്ടി മൈക്കിൾ , മനോജ് മാത്യു ,ഡോ. ഷൈനി രാജു, സ്റ്റാന്‍ലി ഇത്തൂണിക്കല്‍, മത്തായി ചാക്കോ , സിജു സെബാസ്റ്റ്യൻ , ജോർജി വർഗീസ് , സുദീപ് നായർ , സോമൻ സക്കറിയ , ബ്ലെസ്സൺ മാത്യു, ജീമോൻ വർഗീസ്, ജെയിൻ തെരേസ, ഹണി ജോസഫ് റീജിയണൽ വൈസ് പ്രസിഡന്റായി മത്സരിക്കുന്ന ബെന്‍ പോള്‍, ലിൻഡോ ജോളി, കോശി കുരുവിള, ഷാജി സാമുവേൽ, ധീരജ് പ്രസാദ് , ജോസി കാരക്കാട്, ലാജി തോമസ് , ആന്റോ വർക്കി ട്രസ്റ്റീ ബോർഡിലേക്ക് മത്സരിക്കുന്ന സതീശൻ നായർ , ബിജു ജോൺ എന്നിവർ സോമോൻ സക്കറിയക്ക് വിജയാശംസകൾ നേർന്നു.
Soman Zakaria will contest for FOKANA National committee
