ബെൽറോസ് സെൻ്റ് ജോൺസ് ഓർത്തഡോക്സ് ഇടവകയിൽ ഫാമിലി &യൂത്ത് കോൺഫറൻസ് കിക്കോഫ് മീറ്റിങ് നടന്നു

ഉമ്മൻ കാപ്പിൽ
ബെൽറോസ് (ന്യൂയോർക്ക്): മലങ്കര ഓർത്തഡോക്സ് സുറിയാനി സഭയുടെ
നോർത്ത് ഈസ്റ്റ് അമേരിക്കൻ ഭദ്രാസന ഫാമിലി/യൂത്ത് കോൺഫറൻസിന്റെ
കിക്കോഫ് മീറ്റിങ് ജനുവരി 28 ഞായറാഴ്ച ബെൽറോസ് സെന്റ് ജോൺസ്
ഓർത്തഡോക്സ് ഇടവകയിൽ നടന്നു.

.2024 ജൂലൈ 10 മുതൽ 13 വരെ പെൻസിൽവേനിയ ലങ്കാസ്റ്ററിലെ വിൻധം റിസോർട്ടിലാണ് സമ്മേളനം നടക്കുന്നത്. സൺഡേ സ്കൂൾ ഡയറക്ടർ ജനറലും പുതുപ്പള്ളി സെന്റ് ജോർജ് ഓർത്തഡോക്സ് പള്ളിവികാരിയുമായ ഫാ. ഡോ. വർഗീസ് വർഗീസ് (മീനടം) മുഖ്യപ്രഭാഷണംനടത്തും. ഗ്രീക്ക് ഓർത്തഡോക്‌സ് സഭയുടെ ഫാ. സെറാഫിം മജ്മുദാറും,സൗത്ത് വെസ്റ്റ് ഭദ്രാസന വൈദികൻ ഫാ. ജോയൽ മാത്യുവും യുവജനസെഷനുകൾക്ക് നേതൃത്വം നൽകും. ‘ദൈവിക ആരോഹണത്തിന്റെ
ഗോവണി’ എന്ന വിഷയത്തെപ്പറ്റി “ഭൂമിയിലുള്ള കാര്യങ്ങളിലല്ല, മുകളിലുള്ള
കാര്യങ്ങളിൽ നിങ്ങളുടെ മനസ്സ് സ്ഥാപിക്കുക” (കൊളോസ്യർ 3:2) എന്ന
വചനമാണ് കോൺഫറൻസിന്റെ ചിന്താവിഷയം.

ജനുവരി 28 കിക്കോഫ് മീറ്റിംഗിന് മുന്നോടിയായി ഡോ സഖറിയ മാർ നിക്കളാവോസ് മെത്രാപ്പോലീത്തയുടെ കാർമ്മികത്വത്തിൽ കുർബാന അർപ്പിച്ചു.
ഫാ. ജോർജ് ചെറിയാൻ (വികാരി), സജി വർഗീസ് (ഇടവക സെക്രട്ടറി) ,
ജോൺ താമരവേലിൽ (ഫൈനാൻസ് മാനേജർ), ദീപ്തി മാത്യു (സുവനീർ എഡിറ്റർ),
ബിപിൻ മാത്യു (മീഡിയ കമ്മിറ്റി അംഗം), അജയ് വർഗീസ് (ട്രസ്റ്റി), ജോൺ ജേക്കബ് (മലങ്കര അസോസിയേഷൻ അംഗം) എന്നിവരും വേദിയിൽ സന്നിഹിതരായി സംസാരിച്ചു.
കോൺഫറൻസ് ഒരു ആത്മീയ അവധിക്കാലമാണെന്ന് ജോൺ ജേക്കബ് വർഷങ്ങളായി ഫാമിലി കോൺഫറൻസിൽ പങ്കെടുത്തതിൻ്റെ അനുഭവത്തിൽ വിശദീകരിച്ചു.
ജോൺ താമരവേലിൽ കോൺഫറൻസ് വിശദാംശങ്ങളെക്കുറിച്ച് സംസാരിക്കുകയും
സഭാംഗങ്ങളുടെ പങ്കാളിത്തം അഭ്യർത്ഥിക്കുകയും ചെയ്തു.
കോൺഫറൻസ് സുവനീറിൽ ഉൾപ്പെടുത്തുവാൻ സർഗാത്മ സംഭാവനകളും ആശംസകളും പരസ്യങ്ങളും നൽകി സഹകരിക്കുവാൻ ദീപ്തി മാത്യു അഭ്യർത്ഥിച്ചു.
കോൺഫറൻസിന്റെ ധനശേഖരണാർത്ഥം തയ്യാറാക്കിയിട്ടുള്ള റാഫിളിനെപ്പറ്റിയും
ആകർഷകമായ സമ്മാനങ്ങളെപ്പറ്റിയും അജയ് വർഗീസ് വിശദീകരിച്ചു.
സ്‌പോൺസർഷിപ് അവസരങ്ങളെപ്പറ്റിയും ആനുകൂല്യങ്ങളെക്കുറിച്ചും ബിപിൻ
മാത്യു സംസാരിച്ചു.ഇടവകയ്ക്കുവേണ്ടി സജി വർഗീസ് ചെക്ക് നൽകിസമ്മേളനത്തിന് പിന്തുണ വാഗ്ദാനം ചെയ്തു. സാബു നൈനാൻ, അജയ് വർഗീസ്, ജോർജ്ജ് പി മാത്യു, ഫിലിപ്പോസ് മത്തായി എന്നിവർ രജിസ്‌ട്രേഷൻ, സ്‌പോൺസർഷിപ്പ്, സുവനീർ, റാഫിൾ എന്നിവയിൽ സഹകരിച്ചുകൊണ്ട് പിന്തുണ അറിയിച്ചു. ജോൺ താമരവേലിൽ നന്ദി പറഞ്ഞു.
കോൺഫറൻസിൽ ബൈബിൾ, വിശ്വാസം, സമകാലിക വിഷയങ്ങൾ എന്നിവയെ അടിസ്ഥാനമാക്കി കുട്ടികൾക്കും യുവജനങ്ങൾക്കും മുതിർന്നവർക്കും പ്രത്യേകം സംവേദനാത്മക സെഷനുകൾ ഉണ്ടായിരിക്കും.
കൂടുതൽ വിവരങ്ങൾക്ക്, ഫാ. അബു പീറ്റർ, കോൺഫറൻസ് കോർഡിനേറ്റർ
(ഫോൺ: 914.806.4595) / ചെറിയാൻ പെരുമാൾ, കോൺഫറൻസ് സെക്രട്ടറി
(ഫോൺ. 516.439.9087) എന്നിവരുമായി ബന്ധപ്പെടുക.

St John’s Orthodox Church Family and Youth Conference