ആലപ്പുഴ: ആലപ്പുഴ കളക്ടര്‍ക്ക് പെട്ടന്ന് മാറ്റം. ആലപ്പുഴ ഇന്നലെവരെ കണ്ട കളക്ടര്‍ ജോണ്‍ വി. സാമുവലിനെ മാറ്റിക്കൊണ്ട് രാത്രിയാണ് ഉത്തരവെത്തിയത്. രാവിലെ പുതിയ കളക്ടറായി അലക്സ് വര്‍ഗീസ് ആലപ്പുഴ ചുമതയേല്‍ക്കുകയായിരുന്നു. ആലപ്പുഴ ജില്ലയുടെ 58-ാമത് കളക്ടറായാണ് 2017 ബാച്ച് ഐ.എ.എസ് ഉദ്യോഗസ്ഥന്‍ അലക്സ് വര്‍ഗീസ് ചുമതലയേറ്റത്.
അര്‍ബന്‍ അഫയേഴ്സ് ഡയറക്ടറായിരുന്നു അലക്സ് വര്‍ഗീസ്. രജിസ്ട്രാര്‍ ഓഫ് കോ-ഓപ്പറേറ്റീവ്സ്, അമൃത് മിഷന്‍ ഡയറക്ടര്‍ സ്ഥാനങ്ങളില്‍ പ്രവര്‍ത്തിച്ചിട്ടുണ്ട്. ജലസേചന വകുപ്പ് ചീഫ് എഞ്ചിനിയറായും പ്രവര്‍ത്തിച്ച ഇദ്ദേഹം മുല്ലപ്പെരിയാര്‍ ഉന്നതാധികാര സമിതിയില്‍ കേരളത്തിന്റെ പ്രതിനിധിയുമായിരുന്നു.
അതേസമയം, മുന്‍ കളക്ടറെ പെട്ടെന്ന് മാറ്റാനുള്ള കാരണം വ്യക്തമല്ല.
suddenly changed Alappuzha Collector post
