ലണ്ടന്‍: ലണ്ടനിലെ ഹീത്രൂ എയര്‍പോര്‍ട്ടില്‍വെച്ച് വിമാനങ്ങളുടെ ചിറകുകള്‍ പരസ്പരം കൂട്ടിമുട്ടി. എയര്‍പോര്‍ട്ടില്‍ പാര്‍ക്കുചെയ്തിരുന്ന ബ്രിട്ടീഷ് എയര്വേയ്സ് വിമാനത്തിലാണ് വിര്‍ജിന്‍ അറ്റ്ലാന്റിക് ജെറ്റിന്റെ ചിറക് ഇടിച്ചത്.
ബ്രിട്ടനിലെ ഏറ്റവും തിരക്കേറിയ വിമാനത്താവളമായ ഹീത്രൂവില്‍ നിന്നും ആര്‍ക്കും പരിക്കുപറ്റിയതായോ അത്യാഹിതങ്ങള്‍ സംഭവിച്ചതായോ റിപ്പോര്‍ട്ടുകളില്ല. മാത്രമല്ല, എയര്‍പോര്‍ട്ടിന്റെ പ്രവര്‍ത്തനത്തെയും ഈ അപകടം ബാധിക്കില്ലെന്നും അധികൃതര്‍ വ്യക്തമാക്കി.
വിമാനത്തിന്റെ അറ്റകുറ്റപ്പണികള്‍ നടത്തുകയാണെന്നും യാത്രക്കാര്‍ക്ക് മറ്റൊരു വിമാനം ഏര്‍പ്പാടാക്കിയിട്ടുണ്ടെന്നും ബ്രിട്ടീഷ് എയര്വേയ്സ് അധികൃതര്‍ അറിയിച്ചിട്ടുണ്ട്.
വിര്‍ജിന്‍ അറ്റ്‌ലാന്റികിന്റെ ബോയിംഗ് 787-9 ലും അപകടസമയത്ത് യാത്രക്കാര്‍ ഉണ്ടായിരുന്നില്ലെന്നും ഒരു പറക്കല്‍ പൂര്‍ത്തിയാക്കി തിരികെ എത്തിയ ശേഷം മറ്റൊരു ഭാഗത്തേക്ക് കൊണ്ടുപോകുന്നതിനിടെയാണ് അപകടം സംഭവിച്ചതെന്നും അധികൃതര്‍ വ്യക്തമാക്കി.
The wings of the planes collided at London’s Heathrow Airport
