മുംബൈ: കനത്ത മഴയിലും ശക്തമായ കാറ്റിലും വിറങ്ങലിച്ച് മുംബൈ നഗരം. നഗരത്തിൽ കനത്ത നാശനഷ്ടമുണ്ടായതായി മാധ്യമങ്ങൾ റിപ്പോർട്ട് ചെയ്തു. പരസ്യബോർഡ് താഴെ വീണതിനെ തുടർന്ന് മൂന്ന് പേർ കൊല്ലപ്പെടുകയും നിരവധിപ്പേർക്ക് പരിക്കേൽക്കുകയും ചെയ്തു. ഘാട്‌കോപ്പർ ഭാഗത്ത് പെട്രോൾ പമ്പിന് സമീപത്തെ കൂറ്റൻ പരസ്യഹോർഡിംഗാണ് തകർന്നുവീണത്. 59 പേർക്ക് പരിക്കേറ്റതായാണ് സൂചന.
നൂറിലധികം പേർ ഇവിടെ കുടുങ്ങിക്കിടപ്പുണ്ടെന്നാണ് റിപ്പോർട്ടുകൾ. പൊലീസ് ഗ്രൗണ്ട് പെട്രോൾ പമ്പിലാണ് സംഭവം. എൻ‌ഡി‌ആർ‌എഫ് സംഘം സ്ഥലത്ത് രക്ഷാപ്രവർത്തനം നടത്തുകയാണ്. റെയിൽവെ ഇലക്‌ട്രിക് ലൈനിന് മുകളിലേക്ക് മരങ്ങൾ കടപുഴകി വീണു.
താനെ-മുലന്ദ് റെയിൽ സർവീസ് മുടങ്ങിയത്. താനെയിൽ വെള്ളം കയറുന്ന അവസ്ഥയുമുണ്ടായി. പരസ്യ ബാനറുകൾ ലൈനിൽ വീണ് അപകടമുണ്ടായതിനെത്തുടർന്ന് മെട്രോ ഗതാഗതവും തടസപ്പെട്ടതായി മെട്രോ റെയിൽ വക്താക്കൾ അറിയിച്ചു.
three dies and many injured after Billboard collapsed in Mumbai
