ഗുജറാത്തിലെ ജാംനഗർ പട്ടണം വലിയ ഒരു കല്യാണ വീടായി മാറിയിരിക്കുകയാണ്. എങ്ങും ആഘോഷത്തിമിർപ്പാണ്. റിലയൻസ് ചെയർമാൻ മുകേഷ് അംബാനിയുടെ മകൻ അനന്ത് അംബാനിയുടെയും വ്യവസായിയായ വീരേൻ മർച്ചൻ്റിൻ്റെ മകൾ രാധിക മർച്ചൻ്റിൻ്റെയും വിവാഹത്തിന് മുമ്പുള്ള ആഘോഷങ്ങൾ ഇന്നു മുതൽ ഗുജറാത്തിലെ ജാംനഗറിൽ ആരംഭിക്കും. ഗായികയായ റിഹാന, അഭിനേതാക്കളായ ഷാരൂഖ് ഖാൻ, രൺബീർ കപൂർ, ആലിയ ഭട്ട്, ദീപിക പദുക്കോൺ, രൺവീർ സിംഗ്, റാണി മുഖർജി തുടങ്ങി ഇന്ത്യയിലും ലോകമെമ്പാടുമുള്ള സെലിബ്രിറ്റികളും മെറ്റാ സിഇഒ മാർക്ക് സക്കർബർഗും ഭാര്യ പ്രിസില്ല ചാനും പങ്കെടുക്കുന്നു. വൈകിട്ട് മൂന്നുമണിയോടെ യുഎസ് മുൻ പ്രസിഡൻ്റ് ഡൊണാൾഡ് ട്രംപിൻ്റെ മകൾ ഇവാങ്ക ട്രംപ് ജാംനഗറിൽ എത്തി.
ജാംനഗറിലെ റിലയൻസ് ഗ്രീൻസ് കോംപ്ലക്സിൽ വിവാഹത്തിന് മുമ്പുള്ള ആഘോഷങ്ങൾ ആരംഭിച്ചു കഴിഞ്ഞു.
മൈക്രോസോഫ്റ്റ് സ്ഥാപകൻ ബിൽ ഗേറ്റ്‌സ്, ഗൂഗിൾ സിഇഒ സുന്ദർ പിച്ചൈ, സൗദി അരാംകോ ചെയർപേഴ്‌സൺ യാസിർ അൽ റുമയ്യൻ, അബുദാബി നാഷണൽ ഓയിൽ കമ്പനി സിഇഒയും എംഡിയുമായ സുൽത്താൻ അൽ ജാബർ, വാൾട്ട് ഡിസ്നി സിഇഒ ബോബ് ഇഗർ, ബ്ലാക്ക് റോക്ക് ചെയർമാനും സിഇഒമായ ലാറി ഫിങ്ക്, അമേരിക്കൻ ശാസ്ത്രജ്ഞൻ ഡോ. റിച്ചാർഡ് ക്ലോസ്‌നർ. ഇതിഹാസതാരം സച്ചിൻ ടെണ്ടുൽക്കർ എന്നിവർ ആഘോഷങ്ങളിൽ പങ്കെടുക്കുമെന്ന് പ്രതീക്ഷിക്കുന്നു.
ഭൂട്ടാൻ രാജാവ് ജിഗ്മേ ഖേസർ നാംഗ്യേൽ വാങ്‌ചുക്കും ഭാര്യ ജെറ്റ്‌സൺ പേമയും വ്യാഴാഴ്ച തന്നെ ജാംനഗറിൽ എത്തിയിട്ടുണ്ട്. ഗായിക റിഹാനയെ കൂടാതെ അരിജിത് സിംഗ്, അജയ്-അതുൽ, ദിൽജിത് ദോസഞ്ജ് എന്നിവരും ഇല്യൂഷനിസ്റ്റ് ഡേവിഡ് ബ്ലെയ്‌നും ആഘോഷങ്ങളിൽ പരിപാടികൾ അവതരിപ്പിക്കും. അതിഥികളുടെ ലിസ്റ്റിൽ അഭിനേതാക്കളായ അമിതാഭ് ബച്ചൻ, അഭിഷേക് ബച്ചൻ, രജനികാന്ത്, ആമിർ ഖാൻ, സൽമാൻ ഖാൻ, അക്ഷയ് കുമാർ, അജയ് ദേവ്ഗൺ, കാജോൾ, കത്രീന കൈഫ്, മാധുരി ദീക്ഷിത്, അനിൽ കപൂർ തുടങ്ങിയവരുണ്ട്.
To Attend Ambani Merchant pre-wedding celebrations Mark Zuckerberg, Bill Gates and other high profile celebrities in Jamnagar
