ജീമോൻ റാന്നി
ഹൂസ്റ്റൺ : ഹൂസ്റ്റൺ ട്രിനിറ്റി മാർത്തോമ്മാ ഇടവകയുടെ സുവർണ ജൂബിലിയോടനുബന്ധിച്ച്‌ നടക്കുന്ന സ്പോർട്സ് ടൂർണമെന്റുകളുടെ ഭാഗമായുള്ള വോളിബോൾ ടൂർണമെന്റ് മാർച്ച് 2 നു നടക്കും. ദേവാലയത്തോടു ചേർന്നുള്ള ട്രിനിറ്റി സെന്ററിലാണ് മത്സരങ്ങൾ നടത്തുന്നത്.
ടൂർണമെൻ്റ് ശനിയാഴ്ച രാവിലെ എട്ടരയ്ക്ക് ഇടവക വികാരി റവ. സാം കെ. ഈശോ ഉൽഘാടനം ചെയ്യും. അസി.വികാരി റവ.ജീവൻ ജോൺ സന്നിഹിതനായിരിക്കും. ഹൂസ്റ്റൺ, ഡാളസ് പ്രദേശങ്ങളിൽ നിന്നുള്ള 8 ടീമുകൾ മത്സരത്തിൽ മാറ്റുരയ്ക്കും. വിജയികൾക്ക് ട്രോഫികളോടൊപ്പം ഒന്നാം സമ്മാനർഹർക്ക് 1000 ഡോളറും രണ്ടാം സമ്മാനം ലഭിക്കുന്ന ടീമിന് 750 ഡോളറും ലഭിക്കും.
രെഞ്ചു രാജ് (മോർട്ടഗേജ് ബ്രോക്കർ) പ്ലാറ്റിനം സ്പോണ്സറും സന്ദീപ് തേവർവേലിൽ (പെറി ഹോംസ്) അബാക്കസ് ട്രാവൽ എന്നിവർ ഡയമണ്ട് സ്പോൺസർമാരും ജെയിംസ് ഈപ്പൻ (എ ബി വേൾഡ് ഫുഡ് മാർക്കറ്റ്) ജേക്കബ് ജോർജ് ജൂനിയർ (ടെക്സാസ് സിഗ്നേച്ചർ റിയൽറ്റി) എന്നിവർ ഗോൾഡ് സ്പോൺസർമാരുമാണ്
ചൊവ്വാഴ്ച വൈകിട്ട് 6 മണിക്ക് അപ്‌നാ ബസാറിൽ സംഘാടകരും ടീം ക്യാപ്റ്റന്മാരും ഒരുമിച്ചു കൂടും.
ടെക്സസിലെ പ്രമുഖ വോളിബോൾ താരങ്ങൾ അണിനിരക്കുന്ന ഈ വോളിബോൾ ടൂർണമെന്റിലേക്ക് ഏവരെയും സഹർഷം സ്വാഗതം ചെയ്യുന്നുവെന്ന്‌ ജൂബിലി ഭാരവാഹികൾ അറിയിച്ചു.
കൂടുതൽ വിവരങ്ങൾക്ക്:
റജി കോട്ടയം (സ്പോർട്സ് കോർഡിനേറ്റർ) : 832 723 7995
ഷാജൻ ജോർജ് (ജൂബിലി ജനറൽ കൺവീനർ) – 832 452 4195
തോമസ് മാത്യു (ജീമോൻ) കോ.കൺവീനർ – 832 873 0023
ജോജി ജേക്കബ് (പ്രോഗ്രാം കൺവീനർ) – 713 894 7542
Trinity Martoma Church Golden jubilee celebration volleyball tournament
