വാഷിങ്ടൺ: ഡെമോക്രാറ്റിക് സ്ഥാനാർഥിയും വൈസ് പ്രസിഡന്റുമായ കമലാ ഹാരിസിന്റെ സൗന്ദര്യത്തെ പുകഴ്ത്തി റിപ്പബ്ലിക്കൻ സ്ഥാനാർഥി ഡോണൾഡ് ട്രംപ്. ടൈംസ് മാഗസിനിന്റെ കവറിൽ വന്ന കമലയുടെ രേഖാ ചിത്രത്തെയാണ് മസ്കുമായുള്ള അഭിമുഖത്തിൽ ട്രംപ് പുകഴ്ത്തിയത്. തന്റെ എതിരാളി സുന്ദരിയാണെ്നും തന്റെ ഭാര്യ മെലാനിയ ട്രംപിനോട് സാദൃശ്യമുണ്ടെന്നും ട്രംപ് പറഞ്ഞു. ടൈം മാഗസിനിൽ ഇന്ന് കമലാ ഹാരിസിന്റെ രേഖാചിത്രം കണ്ടു, അവൾ ഇതുവരെ ജീവിച്ചിരിക്കുന്നതിൽ ഏറ്റവും സുന്ദരിയായ നടിയെ പോലെ തോന്നി. മുൻ പ്രഥമ വനിതയായ മെലാനിയ ട്രംപിനെപ്പോലെ തോന്നിച്ചു- ട്രംപ് കുറിച്ചു.
നിരവധിപ്പേരാണ് ട്രംപിന്റെ അഭിപ്രായത്തിന് കമന്റുമായെത്തിയത്. ട്രംപ് സർക്കാസമാണോ ഉദ്ദേശിച്ചതെന്ന് നിരവധിപ്പേർ ചോദിച്ചു. മാധ്യമങ്ങൾ കമലാ ഹാരിസിനോട് മൃദുസമീപനം പുലർത്തുകയാണന്നും അതിന്റെ ഭാഗമാണ് ടൈം കവറെന്നും ട്രംപ് ആരോപിച്ചു.
Trump compare kamala harris beauty to melania trump
