ഇക്കൊല്ലത്തെ സെർച്ച് ട്രെൻഡിങ് റിപ്പോർട്ടുകൾ പുറത്തുവിട്ടിരിക്കുകയാണ് ഗൂഗിൾ. ലോകത്തിന്റെ നാനാഭാഗത്തിരുന്ന് ആളുകൾ തിരഞ്ഞ വാക്കുകളും സംഭവങ്ങളുമാണ് റിപ്പോർട്ടിലുള്ളത്. 2024 ൽ ഏറ്റവും കൂടുതൽ വാർത്താ പ്രാധാന്യമുള്ള സംഭവം യു എസ് തിരഞ്ഞെടുപ്പായിരുന്നു. ഏറ്റവും കൂടുതൽ തിരഞ്ഞത് ‘കോപ അമേരിക്ക’ ഫുട്ബാൾ ചാമ്പ്യൻഷിപ്പാണ്. ഏറ്റവും കൂടുതൽ തിരഞ്ഞ ആളുകളുടെ കൂട്ടത്തിൽ മുന്നിലുള്ളത് നിയുക്ത യു എസ് പ്രസിഡൻറ് ഡോണൾഡ് ട്രംപാണുള്ളത്. മരിച്ച വ്യക്തികളുടെ തിരച്ചിലിൽ മുന്നിലുള്ളത് ഇംഗ്ലീഷ് ഗായകനായ ലിയാം പെയ്നിന്റെ പേരാണുള്ളത്.
വിവിധ വിഭാഗങ്ങളിലായി ഏറ്റവും കൂടുതൽ തിരഞ്ഞ കൂട്ടത്തിൽ ബാക്കിയുള്ളത് യുവേഫ യൂറോപ്യൻ ചാമ്പ്യൻഷിപ്പ്, ഐ സി സി മെൻസ് ടി20 ലോകകപ്പ്, ഇന്ത്യ vs ഇംഗ്ലണ്ട് എന്നിവയാണ്. ഏറ്റവും കൂടുതൽ തിരഞ്ഞ വാർത്തയുടെ കൂട്ടത്തിൽ കടുത്ത ചൂട്, ഒളിമ്പിക്സ്, മിൽട്ടൺ ചുഴലിക്കാറ്റ്, ചുഴലിക്കാറ്റ് കാലാവസ്ഥ വിവരം (ജാപ്പനീസ്) എന്നിവയാണുള്ളത്. ഏറ്റവും കൂടുതൽ തിരഞ്ഞ ചരമം ടോബി കെയ്ത്, ഒ ജെ. സിംപ്സൺ, ഷാനെൻ ദോഹെർടി ,അകിര തോരിയാമ എന്നിവരുടെതാണ്.
അഭിനേതാക്കളുടെ കൂട്ടത്തിൽ കെയ്റ്റ് വില്യംസിന് പുറമേ പവൻ കല്യാൺ, ആദം ബ്രോഡി, എല്ല പർണൽ, ഹിന ഖാൻ എന്നിവരുമുണ്ട്. ഇൻസൈഡ് ഔട്ട് 2 ,ഡെഡ് പൂൾ ആൻഡ് വോൾവെറിൻ , സാൾട്ട്ബേൺ , ബീറ്റിൽജ്യൂസ് ബീറ്റിൽജ്യൂസ് , ഡ്യൂൺ: പാർട്ട് 2 എന്നി സിനിമകളാണ് സെർച്ച് ലിസ്റ്റിലുള്ളത്. ഗൂഗിൾ മാപ്പിൽ കൂടുതൽ തിരഞ്ഞ സ്ഥലങ്ങളിൽ മുന്നിലുള്ളത് സെൻട്രൽ പാർക്ക്, ന്യൂയോർക്കാണ്. റിസാൽ പാർക്ക്, മനില, ഫിലിപ്പീൻസ് ,ഒഹോരി പാർക്ക്, ഫുക്കുവോക്ക, ജപ്പാൻ ,പാർക്ക് ഗുവെൽ, ബാഴ്സലോണ, സ്പെയിൻ ,ഒഡോരി പാർക്ക്, ഹൊക്കോയിഡോ, ജപ്പാൻ എന്നിവയാണ് മറ്റ് സ്ഥലങ്ങൾ.
