കണ്ണൂർ: കണ്ണൂർ ഏച്ചൂർ മാച്ചേരിയിൽ കുളത്തിൽ കുളിക്കാനിറങ്ങിയ രണ്ട് കുട്ടികൾ മുങ്ങി മരിച്ചു. നമ്പ്യാര്‍ പീടികയ്ക്ക് സമീപം കുളത്തിൽ വിദ്യാർഥികളായ മൗവ്വഞ്ചേരി കാട്ടിൽ പുതിയ പുരയിൽ മിസ്ബുല്‍ ആമിര്‍ (12), മാച്ചേരി അനുഗ്രഹിൽ ആദില്‍ ബിൻ മുഹമ്മദ് (11) എന്നിവരാണ് മരിച്ചത്. ശനിയാഴ്ച ഉച്ചയ്ക്ക് ഒരു മണിയോടെയായിരുന്നു സംഭവം ഇവർക്കൊപ്പം ഉണ്ടായിരുന്ന മറ്റൊരു കുട്ടിയാണ് വിവരം വീട്ടിലെത്തി അറിയിച്ചത്.
അടുത്ത വീട്ടിൽ ജോലി ചെയ്യുന്നവരാണ് കുട്ടികളെ കുളത്തിൽനിന്ന് പുറത്തെടുത്തത്. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. കണ്ണൂരിൽ നിന്നും അഗ്നിരക്ഷാ സേനയും ചക്കരക്കൽ പോലീസും സ്ഥലത്തെത്തി. അഞ്ചരക്കണ്ടി സ്കൂളിലെ ഏഴാംക്ലാസ് വിദ്യാർഥികളാണ് ആദിലും മിസ്ബുലും.
two students drowning in kannur
