ന്യൂഡൽഹി: ഇന്ത്യയിലെ യുഎസ് അംബാസിഡർ എറിക് ഗാർസെറ്റിയുടെ ദീപാവലി നൃത്തം സോഷ്യൽമീഡിയയിൽ വൈറലാകുന്നു. എംബസ്സിയിലെ ദീപാവലി ആഘോഷങ്ങൾക്കിടെ ഏറെ ജനപ്രീതി നേടിയ ബോളിവുഡ് ഗാനം തോബോ തോബക്കാണ് എറിക് ചുവടുവെച്ചത്. ചുവടുകൾ വെക്കുന്ന ഗാർസെറ്റിയുടെ വീഡിയോയാണ് നെറ്റിസൺസ് ഏറ്റെടുത്തിരിക്കുന്നത്. എക്സിലാണ് ആദ്യം വീഡിയോ പ്രചരിച്ചത്. ചുരുങ്ങിയ സമയത്തിനുള്ളിൽ ലക്ഷക്കണക്കിനാളുകളാണ് വീഡിയോ കണ്ടിട്ടുള്ളത്. കഴിഞ്ഞ തവണ ഛയ്യ ഛയ്യ എന്ന ഗാനത്തിന് ചുവടുവെച്ചാണ് എറിക് ആവേശം തീർത്തത്.
US Ambassador viral dance on Diwali day
