വാഷിംഗ്ടണ്‍: റഷ്യ യുദ്ധത്തില്‍ തകര്‍ന്നിരിക്കുന്ന യുക്രെയിനിനായി 275 മില്യണ്‍ ഡോളറിന്റെ സൈനിക സഹായ പാക്കേജ് അമേരിക്ക തയ്യാറാക്കുന്നു. പാക്കേജില്‍ 155 എംഎം പീരങ്കി ഷെല്ലുകള്‍, പ്രിസിഷന്‍ ഏരിയല്‍ യുദ്ധോപകരണങ്ങള്‍, ഗ്രൗണ്ട് വെഹിക്കിളുകള്‍ എന്നിവ ഉള്‍പ്പെടുന്നു. മൂന്ന് യുഎസ് ഉദ്യോഗസ്ഥരെ ഉദ്ധരിച്ച് റോയിട്ടേഴ്സാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്. ഇക്കാര്യം പരസ്യമായി ചര്‍ച്ച ചെയ്യാന്‍ അധികാരമില്ലാത്തതിനാല്‍ പേരു വെളിപ്പെടുത്തരുതെന്ന വ്യവസ്ഥയിലാണ് ഉദ്യോഗസ്ഥര്‍ സംസാരിച്ചതെന്നും റിപ്പോര്‍ട്ടിലുണ്ട്.
അടിയന്തര ഘട്ടത്തില്‍ പ്രത്യേക കോണ്‍ഗ്രസിന്റെ അംഗീകാരമില്ലാതെ യുഎസ് സ്റ്റോക്കുകളില്‍ നിന്ന് സേവനങ്ങള്‍ കൈമാറാന്‍ പ്രസിഡന്റിനെ അധികാരപ്പെടുത്തുന്ന പ്രസിഡന്‍ഷ്യല്‍ ഡ്രോഡൗണ്‍ അതോറിറ്റിയിലൂടെയാണ് ആയുധ സഹായം നല്‍കുക. 95 ബില്യണ്‍ ഡോളര്‍ സഹായ ബില്ലുകളുടെ ഭാഗമായി, 8 ബില്യണ്‍ ഡോളര്‍ മൂല്യമുള്ള പ്രസിഡന്‍ഷ്യല്‍ ഡ്രോഡൗണ്‍ അതോറിറ്റി ഇനങ്ങള്‍ ഉള്‍പ്പെടെ 60.8 ബില്യണ്‍ ഡോളര്‍ മൂല്യമുള്ള വിവിധ രൂപത്തിലുള്ള സഹായത്തിന് അംഗീകാരം നല്‍കി.
പാക്കേജില്‍ പ്രധാനമായും യുദ്ധസാമഗ്രികള്‍ ഉള്‍പ്പെടുന്നുവെങ്കിലും, യുദ്ധക്കളത്തില്‍ നിന്ന് കേടുപാടുകളുള്ള ടാങ്കുകളും മറ്റ് കനത്ത ഉപകരണങ്ങളും വീണ്ടെടുക്കാന്‍ രൂപകല്‍പ്പന ചെയ്ത വാഹനങ്ങളും ഉള്‍പ്പെടുന്നു. ആക്രമണങ്ങളും ഉപകരണങ്ങളുടെ നഷ്ടവും തുടരുമെന്ന് യുഎസ് പ്രതീക്ഷിക്കുന്നു എന്നതിന്റെ സൂചനയായും ഇതിനെ വിലയിരുത്തുന്നു.
