ബാങ്കോക്ക്: കടുത്ത പോരാട്ടം നടക്കുന്ന അമേരിക്കൻ പ്രസിഡന്റ് തെരഞ്ഞെടുപ്പിലെ വിജയിയെ പ്രവചിച്ച് തായ്‌ലൻഡിലെ വൈറൽ കുഞ്ഞു ഹിപ്പോയായ മൂ ഡെംഗ്. ഡെമോക്രാറ്റിക് സ്ഥാനാർഥി കമലാ ഹാരിസിനെ പരാജയപ്പെടുത്തി റിപ്പബ്ലിക്കൻ സ്ഥാനാർത്ഥി ഡൊണാൾഡ് ട്രംപ് അമേരിക്കൻ പ്രസിഡന്റ് ആകുമെന്നാണ് ഹിപ്പോയുടെ പ്രവചനം.
ഖാവോ ഖിയോ ഓപ്പൺ മൃഗശാലയിലാ ണ് ഹിപ്പോയുള്ളത്. കുളക്കരയിൽ ട്രംപിന്റെയും കമല ഹാരിസിന്റെയും പേരെഴുതിയ രണ്ട് ഫ്രൂട്ട് കേക്കുകൾ ഒന്നു തിരഞ്ഞെടുക്കാനുള്ള അവസരം നൽകിയപ്പോൾ ട്രംപിന്റെ പേരെഴുതിയ ഫ്രൂട്ടാണ് കുഞ്ഞു ഹിപ്പോ തിരഞ്ഞെടുത്തത്.
എന്നാൽ, കൂടെയുണ്ടായിരുന്ന വലിയ ഹിപ്പോ കമല ഹാരിസിന്റെ പേരെഴുതിയ ഫ്രൂട്ട് കേക്ക് കഴിച്ചു. 2024 ജൂലൈ 10-ന് ജനിച്ച മൂ ഡെങ് എന്ന ഹിപ്പോ സാമൂഹ്യമാധ്യമങ്ങളിൽ വൈറലാണ്. “മൂൺവാക്കിലൂടെ” മൂ ഡെങ് സമൂഹ്യമാധ്യമങ്ങൾ കൈയ്യടക്കിയിരുന്നു.
viral hippo moo deng predicts Trump win us presidential election
