ന്യൂയോർക്ക്: മാർത്തോമ്മാ സഭയുടെ നോർത്ത് അമേരിക്ക ഭദ്രാസനം, നോർത്ത് ഈസ്റ്റ് റീജനൽ ആക്ടിവിറ്റി കമ്മിറ്റിയുടെ (NORTHEAST RAC) നേതൃത്വത്തിൽ സാമൂഹിക ജീവിതത്തിലും, കുടുംബ-വ്യക്തി ജീവിതങ്ങളിലും നേരിടുന്ന സാമൂഹിക, വൈകാരിക സംഘർഷങ്ങൾക്ക് സാന്ത്വനം എങ്ങനെ നൽകാം എന്ന ലക്ഷ്യത്തോടെ ന്യൂയോർക്കിൽ ശിൽപശാല സംഘടിപ്പിക്കുന്നു.
ന്യൂ യോർക്കിലുള്ള സെന്‍റ് ജോൺസ് മാർത്തോമ്മാ ദേവാലയത്തിൽ (90-37 213th St, Queens Village, NY 11428) ഈ മാസം 22ന് രാവിലെ 9 മുതൽ ഉച്ചക്ക് ഒന്ന് വരെയാണ് ശിൽപശാല. ഭദ്രാസനാധിപൻ ഡോ. എബ്രഹാം മാർ പൗലോസ് എപ്പിസ്കോപ്പ ഉദ്ഘാടനം നിർവ്വഹിക്കും ഈ മേഖലയിലെ വിദഗ്ദ്ധരായ റവ. ഡോ. പ്രമോദ് സക്കറിയ, സൂസൻ തോമസ്, എന്നിവർ ഈ ശില്പശാലക്കു നേതൃത്വം നൽകും.
13 വയസ്സിനു മുകളിൽ പ്രായമുള്ള എല്ലാവർക്കും ഈ പ്രോഗ്രാമിൽ പങ്കെടുക്കാം. ഭദ്രാസനത്തിന്‍റെ വിവിധ മേഖലകളിൽ വെച്ച് നടത്തപ്പെടുന്ന ഈ ശിൽപശാലകൾ അനേകർക്ക് സാന്ത്വനം നൽകുന്ന വേദിയാണ്. ഭദ്രാസന കോർഡിനേറ്റർന്മാരായ റവ. ജെയ്സൺ എ. തോമസ്, ടോം ഫിലിപ്പ്, നോർത്ത് ഈസ്ററ് റീജനൽ ആക്ടിവിറ്റി കമ്മിറ്റിയുടെ ചുമതലക്കാരായ റവ. വി.ടി. തോമസ്, തോമസ് ജേക്കബ്, കുര്യൻ തോമസ്, ബെജി ടി. ജോസഫ് എന്നിവരടങ്ങുന്ന കമ്മിറ്റി ശിൽപശാലയുടെ ക്രമീകരണങ്ങൾക്ക് നേതൃത്വം നൽകും.
