അടുത്ത മാസത്തെ യുഎസ് പ്രസിഡൻഷ്യൽ ഡിബേറ്റ് സംബന്ധിച്ച് സ്ഥാനാർത്ഥികളായ ഡോണാൾഡ് ട്രംപിൻ്റെയും കമലാ ഹാരിസിൻ്റെയും പ്രചാരണ വിഭാഗങ്ങൾ തമ്മിലുള്ള ഏറ്റുട്ടൽ തുടരുകയാണ്. സംവാദ വേദിയിൽ ട്രംപിനെ നേരിടുമെന്ന് വൈസ് പ്രസിഡന്റ് കമല ഹാരിസ് വെല്ലുവിളി മുഴക്കുമ്പോൾ, താൻ സംവാദത്തിൽ നിന്നും പൂർണ്ണമായും പിൻമാറുമെന്ന ഭീഷണിയാണ് ട്രംപ് ഉയർത്തുന്നത്. എബിസി നെറ്റ്‌വർക്ക് പക്ഷപാതപരമാണെന്നാണ് ട്രംപ് സൂചിപ്പിക്കുന്നത്.
“ഞാൻ എന്തിന് കമലാ ഹാരിസിനെതിരെ ആ നെറ്റ്‌വർക്കിൽ ഡിബേറ്റ് നടത്തണം?” മൂന്നാം വട്ടം മത്സരത്തിനിറങ്ങുന്ന ട്രംപ് സോഷ്യൽ മീഡിയയിൽ കുറിച്ചു.
വൈസ് പ്രസിഡൻ്റിൻ്റെ പ്രചാരണം പരിപാടിയിലുടനീളം സ്ഥാനാർത്ഥികളുടെ മൈക്രോഫോണുകൾ ബ്രോഡ്കാസ്റ്റർ സൂക്ഷിക്കണമെന്നും, കഴിഞ്ഞ പ്രസിഡൻഷ്യൽ ഡിബേറ്റിലെന്നപോലെ എതിരാളി സംസാരിക്കുമ്പോൾ നിശബ്ദമാക്കരുതെന്നും കമല ഹാരിസിന്റെ വക്താവ് ബ്രയാൻ ഫാലൺ തിങ്കളാഴ്ച പറഞ്ഞു.
“ട്രംപിൻ്റെ നിരന്തരമായ നുണകളും തടസ്സങ്ങളും തത്സമയം നേരിടാൻ വൈസ് പ്രസിഡൻ്റ് തയ്യാറാണ്. മ്യൂട്ട് ബട്ടണിന് പിന്നിൽ ഒളിക്കുന്നത് ട്രംപ് അവസാനിപ്പിക്കണം,” ഫാലൺ പ്രസ്താവനയിൽ പറഞ്ഞു.
മൈക്രോഫോണുകൾ നിശബ്ദമാക്കിയ CNN-ൻ്റെ ജൂൺ സംവാദത്തിൻ്റെ അതേ നിബന്ധനകൾ തങ്ങൾ ഇതിനകം അംഗീകരിച്ചിട്ടുണ്ടെന്ന് ട്രംപ് കാമ്പെയ്ൻ മുതിർന്ന ഉപദേഷ്ടാവ് ജേസൺ മില്ലർ ഒരു പ്രസ്താവനയിൽ പറഞ്ഞു: “സമ്മതിച്ച നിയമങ്ങളിൽ മാറ്റമൊന്നും ഞങ്ങൾ പറഞ്ഞിട്ടില്ല.”
എന്നാൽ തൻ്റെ മൈക്രോഫോൺ തന്റെ പക്കൽ സൂക്ഷിച്ചു വയ്ക്കാനാണ് താൻ ഇഷ്ടപ്പെടുന്നതെന്ന് ട്രംപ് പിന്നീട് മാധ്യമപ്രവർത്തകരോട് പറഞ്ഞു, കഴിഞ്ഞ തവണ ഇത് നിശബ്ദമാക്കിയത് തനിക്ക് ഇഷ്ടപ്പെട്ടില്ലെന്നും തൻ്റെ പുതിയ എതിരാളിക്കെതിരായ ഏറ്റുമുട്ടലിന് താൻ ഇനി കൂടുതൽ തയ്യാറെടുക്കുന്നില്ലെന്നും ട്രംപ് കൂട്ടിച്ചേർത്തു.
“ഞാൻ അതിനായി കൂടുതൽ സമയം ചെലവഴിക്കുന്നില്ല. എൻ്റെ ജീവിതകാലം മുഴുവൻ ഞാൻ ഒരു സംവാദത്തിന് തയ്യാറെടുക്കുകയായിരുന്നു. ഒരാഴ്ചയ്ക്കുള്ളിൽ നിങ്ങൾക്ക് 30 വർഷത്തെ അറിവ് അടിച്ചേൽപ്പിക്കാൻ കഴിയില്ല. അതിനാൽ, ഒരു ചെറിയ സംവാദത്തിന് തയ്യാറെടുക്കുന്നു. പക്ഷേ ഞാൻ ഏറിയും കുറഞ്ഞും എപ്പോഴും അത് ചെയ്തിട്ടുണ്ട്.”
എബിസി ന്യൂസിലായിരുന്നു പരിപാടി നിശ്ചയിച്ചിരുന്നത്. എന്നാൽ, ജോനാഥൻ കാൾ, റിപ്പബ്ലിക്കൻ അർക്കൻസാസ് യുഎസ് സെനറ്റർ ടോം കോട്ടൺ എന്നിവരുമായി എബിസിയുടെ ദിസ് വീക്ക് നടത്തിയ അഭിമുഖത്തെ പരാമർശിച്ച്, പ്രസിഡന്റ് സ്ഥാനാർഥികളുടെ സംവാദം നിഷ്പക്ഷമാകുമോ എന്നും ട്രംപ് സംശയമുന്നയിച്ചു.
