തൃശൂര്‍: സംസ്ഥാനത്ത് വീണ്ടും വന്യമൃഗ ആക്രമണം. തൃശൂര്‍ മലക്കപ്പാറയിലാണ് ഇന്നലെ രാത്രിയോടെ കാട്ടാന ആക്രമണം ഉണ്ടായത്.
അടിച്ചില്‍ത്തൊട്ടി കോളനിയിലെ തമ്പാന്‍ എന്നയാള്‍ക്കാണ് പരിക്കേറ്റത്. കോളനിയിലേക്ക് രാത്രി നടന്നുപോകുന്നതിനിടെയാണ് കാട്ടാന ആക്രമിച്ചത്. കാലിന് ഗുരുതരമായി പരിക്കേറ്റ തമ്പാനെ രാവിലെയാണ് കണ്ടെത്തിയത്. പിന്നീട് ഇയാളെ ചാലക്കുടി താലൂക്ക് ആശുപത്രിയിലേക്ക് മാറ്റി.
മലക്കപ്പാറയില്‍ ഫെബ്രുവരിയിലും കാട്ടാന ആക്രമണം ഉണ്ടായിരുന്നു. അന്ന് കോയമ്പത്തൂര്‍ സ്വദേശിക്ക് ഗുരുതരപരിക്കേറ്റിരുന്നു.
