കാസര്‍കോട്: നാലു മാസം മുമ്പ് 70 ലക്ഷം രൂപയുടെ ലോട്ടറിയടിച്ച നെല്ലിക്കുന്ന് സ്വദേശിയെ കടക്കുള്ളില്‍ തൂങ്ങിമരിച്ച നിലയില്‍ കണ്ടെത്തി. ഇന്നലെ രാവിലെ പത്തിനാണ് സംഭവം പുറത്തറിയുന്നത്. നെല്ലിക്കുന്ന് ബീച്ച് റോഡിലെ രാംപണ്ണ ഷെട്ടിയുടേയും ഭവാനിയുടേയും മകന്‍ വിവേക് ഷെട്ടിയാണ് (36) മരിച്ചത്.
സാമ്പത്തിക പ്രയാസം ഉണ്ടായിരുന്നില്ലെന്നും മറ്റെന്തെങ്കിലും കാരണമാകാം മരണത്തിന് പിന്നിലെന്നുമാണ് പൊലീസ് നിഗമനം. ഭാര്യ: ആരതി. മകന്‍: ആന്‍വി. സഹോദരങ്ങള്‍: പുനിത് ഷെട്ടി, വിദ്യ.
