വാഷിംഗ്ടൺ: യുഎസിൽ 30 ദിവസത്തിൽ കൂടുതൽ താമസിക്കുന്ന വിദേശ പൗരന്മാർ സർക്കാർ രേഖകളിൽ പേര് ചേർക്കണമെന്ന് നിര്‍ദേശം. ഇത് പാലിക്കാത്ത പക്ഷം പിഴയും തടവും ലഭിക്കാമെന്ന് ഡോണൾഡ് ട്രംപ് ഭരണകൂടത്തിന് കീഴിലുള്ള ഹോംലാൻഡ് സെക്യൂരിറ്റി വകുപ്പ് വ്യക്തമാക്കി. യുഎസിൽ 30 ദിവസത്തിൽ കൂടുതൽ താമസിക്കുന്ന വിദേശ പൗരന്മാർ ഫെഡറൽ ഗവൺമെന്റിൽ രജിസ്റ്റർ ചെയ്യണം. ഇത് പാലിക്കാത്തത് പിഴയും തടവും ലഭിക്കാവുന്ന കുറ്റമാണ്. നിയമവിരുദ്ധമായി താമസിക്കുന്ന വിദേശികൾക്ക് വ്യക്തമായ സന്ദേശവും ഹോംലാൻഡ് സെക്യൂരിറ്റി വകുപ്പ് നല്‍കിയിട്ടുണ്ട്.
ഉടൻ രാജ്യം വിടുക, സ്വയം നാടുകടക്കുക, ഹോംലാൻഡ് സെക്യൂരിറ്റി വകുപ്പ് പ്രസിഡന്‍റ് ട്രംപിന്റെ ഓഫീസിനെയും ഹോംലാൻഡ് സെക്യൂരിറ്റി വകുപ്പ് സെക്രട്ടറി കൃഷി നോയമിനെയും ടാഗ് ചെയ്ത് എക്സിൽ പോസ്റ്റ് ചെയ്തു. H-1B അല്ലെങ്കിൽ വിദ്യാർത്ഥി പെർമിറ്റുകൾ പോലുള്ള വിസകളിൽ യുഎസിൽ താമസിക്കുന്നവരെ ഈ തീരുമാനം നേരിട്ട് ബാധിക്കില്ല.
എന്നാൽ ശരിയായ അംഗീകാരമില്ലാതെ വിദേശ പൗരന്മാർ യുഎസിൽ താമസിക്കുന്നത് തടയാൻ നിയമങ്ങൾ കർശനമായി നടപ്പിലാക്കാനുള്ള സൂചനയാണിത്. H-1B വിസയിൽ ഉള്ള ഒരാൾക്ക് ജോലി നഷ്ടപ്പെടുകയും നിർദ്ദിഷ്ട കാലയളവിനുള്ളിൽ രാജ്യം വിട്ടു പോകാതിരിക്കുകയും ചെയ്താൽ, നടപടി നേരിടേണ്ടി വന്നേക്കാം. അതിനാൽ, വിദ്യാർത്ഥികളും H-1B വിസ ഉടമകളും യുഎസിലെ അവരുടെ താമസം പാലിക്കൽ ആവശ്യകതകൾ നിറവേറ്റുന്നുണ്ടെന്ന് ഉറപ്പാക്കേണ്ടതുണ്ട്.
