എന്ത് വിധിയിത്…! ജസ്റ്റിൻ ട്രൂഡോയുടെ രാജി ആഘോഷിച്ച് ഫുഡ് ജോയിൻ്റ്, ബർ​ഗറിന് വെറും രണ്ട് ഡോളർ

ഒട്ടാവ: കാനഡയിൽ പ്രധാനമന്ത്രി ജസ്റ്റിൻ ട്രൂഡോ രാജി വച്ചത് ആഘോഷിച്ച് രാജ്യത്തെ ഫുഡ് ജോയിൻ്റ് ബേക്കറി. പ്രധാനമന്ത്രി രാജിവച്ചതിൽ സന്തോഷം പ്രകടിപ്പിച്ച് ബേക്കറി രണ്ട് ഡോളറിനാണ് ബർഗറുകൾ നൽകിയത്. പ്രധാനമന്ത്രി രാജിവെച്ചത് സന്തോഷം പകരുന്ന കാര്യമാണെന്നും അതുകൊണ്ടുതന്നെ ഓഫർ വിലക്ക് ബർ​ഗർ വിൽക്കുകയാണെന്നും സ്ഥാപനം അറിയിച്ചു.

ബർഗറിന്റെ ഓഫർ തങ്ങളുടെ ഓൺലൈനിൽ അവർ ചിത്രങ്ങൾ അടക്കം പങ്കിട്ടു. “Grill & Chill TRUDEAU RESIGNATION SPECIAL $2 BURGERS Drive-thru.” എന്നാണ് അവർ പോസ്റ്റിൽ കുറിച്ചത്. ജനപ്രീതി കുത്തനെയിടിഞ്ഞതിനാൽ തിങ്കളാഴ്ചയാണ് ജസ്റ്റിൻ ട്രൂഡോ പ്രധാനമന്ത്രി സ്ഥാനത്തുനിന്നും ലിബറൽ പാർട്ടി നേതാവ് സ്ഥാനത്തുനിന്നും രാജി പ്രഖ്യാപിച്ചത്. ഇന്ത്യൻ വംശജ അനിത ആനന്ദ് പ്രധാനമന്ത്രിയായേക്കുമെന്ന് അഭ്യൂഹമുയർന്നു.

Canadian Food joint bakery celebrates Trudeau resignation