പെരുമ്പാവൂര്‍ : ഹോട്ടലില്‍ കയറി അതിക്രമം നടത്തിയെന്ന പരാതിയില്‍ പള്‍സര്‍ സുനിക്കെതിരെ കേസെടുത്ത് പൊലീസ്. പെരുമ്പാവൂരിലുള്ള ഒരു ഹോട്ടലിലെ ജീവനക്കാരെ അസഭ്യം പറയുകയും വധ ഭീഷണി മുഴക്കുകയും ചെയ്തുവെന്നാണ് പരാതി. ഇന്നലെ രാത്രി എട്ടരയോടെ ആയിരുന്നു സംഭവം. ജീവനക്കാരെ അസഭ്യം പറഞ്ഞ സുനി, ഹോട്ടലിലെ ചില്ല് ഗ്ലാസുകൾ തകർത്തു.
ഭക്ഷണത്തിന് ഓര്‍ഡര്‍ എടുക്കാന്‍ വൈകിയെന്ന് പറഞ്ഞാണ് ജീവനക്കാരനെതിരെ സുനി വധ ഭീഷണി മുഴുക്കിയതെന്നാണ് എഫ്ഐആറില്‍ പറയുന്നത്. കുറുപ്പംപടി പൊലീസാണ് സുനിക്കെതിരെ കേസെടുത്തിരിക്കുന്നത്. നിലവില്‍ നടിയെ ആക്രമിച്ച കേസില്‍ ജാമ്യത്തിലാണ് പള്‍സര്‍ സുനി.
Tags:
