ഹൈദരാബാദ് : അപ്പാര്‍ട്ട്‌മെന്റിലുള്ള ലിഫ്റ്റില്‍ കുടുങ്ങിയ നാലുവയസുകാരന് ദാരുണാന്ത്യം. ഹൈദരാബാദില്‍ സന്തോഷ് നഗര്‍ കോളനിയിലെ മുജ്തബ എന്ന അപ്പാര്‍ട്ട്‌മെന്റിലുള്ള ലിഫ്റ്റിലാണ് കുഞ്ഞ് കുടുങ്ങിയത്. അപ്പാര്‍ട്ട്‌മെന്റിലെ നേപ്പാള്‍ സ്വദേശിയായ സെക്യൂരിറ്റി ജീവനക്കാരന്‍ ശ്യാം ബഹദൂറിന്റെ മകന്‍ സുരേന്ദര്‍ ആണ് മരിച്ചത്. ലിഫ്റ്റിന് തൊട്ടടുത്തു നിന്ന് കുഞ്ഞ് കളിച്ചുകൊണ്ടിരിക്കുകയായിരുന്നു. ഇത് ശ്രദ്ധയില്‍പ്പെടാതെ ഗ്രില്ലുകള്‍ വലിച്ചടച്ചപ്പോള്‍ കുട്ടി കുടുങ്ങിയെന്നാണ് സൂചന.
കുഞ്ഞിനെ കാണാതിരുന്ന മാതാപിതാക്കള്‍ ലിഫ്റ്റിനടുത്തേക്ക് അന്വേഷിച്ച് എത്തിയപ്പോഴാണ് ചോരയില്‍ കുളിച്ച നിലയില്‍ സുരേന്ദറിനെ കണ്ടെത്തുന്നത്. തൊട്ടടുത്ത ആശുപത്രിയിലെത്തിച്ചപ്പോഴേക്കും കുഞ്ഞ് മരിച്ചിരുന്നു.
Tags:
