കൊച്ചി: അമേരിക്കയിലെ മലയാളി മാധ്യമ പ്രവർത്തകരുടെ സംഘടനയായ ഇന്ത്യ പ്രസ് ക്ലബ് ഓഫ് നോർത്ത് അമേരിക്കയുടെ (ഐ.പി.സി.എൻ.എ) എട്ടാമത് മാധ്യമ അവാർഡ് ദാന ചടങ്ങ് ഇന്ന് (വെള്ളിയാഴ്ച) വൈകിട്ട് അഞ്ചു മണിക്ക് കൊച്ചി കലൂരിലെ ഗോകുലം കൺവൻഷൻ സെൻ്ററിൽ നടക്കും.
എല്ലാ ഒരുക്കങ്ങളും പൂർത്തിയായതായി പ്രസിഡന്റ് സാമുവൽ ഈശോ, സെക്രട്ടറി ഷിജോ പൗലോസ്, വൈസ് പ്രസിഡന്റ് അനിൽ ആറന്മുള, അഡ്വൈസറി ബോർഡ് ചെയർ സുനിൽ തൈമറ്റം, നിയുക്ത പ്രസിഡൻ്റ് രാജു പള്ളത്ത്, ജോ. സെക്രട്ടറി ആശാ മാത്യു, ജോയിന്റ് ട്രെഷറർ റോയ് മുളകുന്നം എന്നിവർ അറിയിച്ചു. അമേരിക്കയിൽ നിന്ന് ഒട്ടേറെ മാധ്യമ പ്രവർത്തകരും വിവിധ സംഘടനാ നേതാക്കളും പരിപാടിയിൽ പങ്കെടുക്കും.
കേരള യൂണിയൻ ഓഫ് വർക്കിംഗ് ജേർണലിസ്റ്റ്സ് (കെ.യു.ഡബ്ല്യു.ജെ) പ്രസിഡന്റ് കെ.പി. റെജി, സെക്രട്ടറി സുരേഷ് എടപ്പാൾ എന്നിവർ സമ്മേളനത്തിന് ആശംസകൾ നേർന്നു.
24 ന്യൂസ് ചീഫ് എഡിറ്റർ ആർ.ശ്രീകണ്ഠൻ നായർക്കാണ് മാധ്യമ ശ്രീ പുരസ്കാരം. ദ് ന്യൂസ് മിനിറ്റ് ചീഫ് എഡിറ്റർ ധന്യാ രാജേന്ദ്രനാണ് മാധ്യമ രത്ന പുരസ്കാരം. ഇതോടൊപ്പം കേരളത്തിലെ പ്രമുഖരായ മാധ്യമ പ്രവർത്തകർക്ക് വിവിധ അവാർഡുകൾ നൽകി ആദരിക്കുന്നു.
പത്രം, ടെലിവിഷൻ, ഓൺലൈൻ, റേഡിയോ, ടെക്നിക്കൽ എന്നീ വിഭാഗങ്ങൾക്ക് പ്രത്യേക പുരസ്കാരം നൽകി ആദരിക്കുന്നത് ഈ വർഷത്തെ അവാർഡുകളുടെ പ്രത്യകത ആണ്. മന്ത്രിമാരായ പി രാജീവ്, കെ രാജൻ, പ്രതിപക്ഷ നേതാവ് വി ഡി സതീശൻ, പ്രഫ . കെ വി തോമസ് എന്നിവരുടെ സാന്നിധ്യത്തിൽ അവാർഡുകൾ വിതരണം ചെയ്യുമെന്നു ഭാരവാഹികൾ അറിയിച്ചു.
ചടങ്ങിൽ എം പിമാരായ ഹൈബി ഈഡൻ, ബെന്നി ബഹനാൻ, എം എൽ എ മാരായ മോൻസ് ജോസഫ്, അൻവർ സാദത്ത്, മാണി സി കാപ്പൻ, റോജി എം ജോൺ, ടി ജെ വിനോദ്, മാത്യു കുഴൽനാടൻ, കെ എൻ ഉണ്ണികൃഷ്ണൻ, ചാണ്ടി ഉമ്മൻ, മുൻ എം പി സെബാസ്റ്റ്യൻ പോൾ, ബി ജെ പി നേതാവ് എം ടി രമേശ് എന്നിവരും പങ്കെടുക്കും.
മാധ്യമശ്രീ പുരസ്‌കാരത്തിന് ഒരു ലക്ഷവും, മാധ്യമ രത്നക്ക് അൻപതിനായിരവും, പയനിയർ അവാർഡ്, മീഡിയ എക്‌സലൻസ് പുരസ്കാരങ്ങൾക്കും ക്യാഷ് അവാർഡും, ഫലകവും, പ്രശസ്‌തി പത്രവും നൽകുന്നതാണ്.
മാധ്യമശ്രീ പുരസ്‌കാര ചടങ്ങിന്റെ മുഖ്യ സ്പോൺസർ (പ്ലാറ്റിനം ഇവന്റ് പ്രശസ്ത സംരഭകരായ സാജ് ഏർത് ഗ്രൂപ്പിന്റെ സാജനും മിനി സാജനും ആണ്. കഴിഞ്ഞ നിരവധി വർഷങ്ങളായി മാധ്യമപ്രവർത്തകരുടെ കൂട്ടായ്മയുടെ ഭാഗമാകുന്നതിൽ അതിയായ സന്തോഷം ഉണ്ടെന്നു സാജനും മിനിയും പറഞ്ഞു. ഇതോടൊപ്പം എലീറ്റ് സ്പോണ്സർമാരായ വർക്കി എബ്രഹാം, ബേബി ഊരാളിൽ, ജോൺ ടൈറ്റസ്, ജോയ് നേടിയകാലയിൽ, ഹെൽത് കെയർ പാർട്‌ണർ ബിലീവേഴ്സ് ചാരിറ്റി ഹോസ്‌പിറ്റൽ, എഡ്യൂകേഷൻ പാർട്‌ണർ റാണി തോമസ്, ബെറാക എലൈറ്റ് എഡ്യൂക്കേഷൻ, ഗോൾഡ് സ്പോൺസർമാരായ നോഹ ജോർജ് ഗ്ലോബൽ കൊളിഷൻ, ജോൺ പി ജോൺ കാനഡ, ദിലീപ് വര്ഗീസ്, അനിയൻ ജോർജ്, സിൽവർ സ്പോണ്സർമാരായ സജിമോൻ ആൻ്റണി, ബിനോയ് തോമസ്, ജെയിംസ് ജോർജ് എന്നിവരും, ജോൺസൻ ജോർജ്, വിജി എബ്രഹാം എന്നിവർ ബ്രോൻസി സ്പോണ്സര്‌മാരും, ജേർണലിസം സ്റ്റുഡൻ്റസ് സപ്പോർട്ട് ജിജു കുളങ്ങര എന്നിവരും ഈ പ്രോഗ്രാമിന്റെ പ്രായോജകരാണ്.
IPCNA media awards ceremony will be held today at Kochi
