കൽഹാരി, പെൻസിൽവേനിയ: അടുത്ത വർഷം (2026) ഓഗസ്റ് 6 മുതൽ 9 വരെ നടക്കുന്ന ഫൊക്കാന കൺവൻഷൻ വേദിയായ പെൻസിൽവേനിയയിലെ കൽഹാരി റിസോർട്ടുമായി കരാർ ഒപ്പു വച്ചു.
പ്രസിഡന്റ് സജിമോൻ ആന്റണി, സെക്രട്ടറി ശ്രീകുമാർ ഉണ്ണിത്താൻ, ട്രഷറർ ജോയി ചാക്കപ്പൻ എന്നിവരുടെ നേതൃത്വത്തിൽ അമേരിക്കയുടെ പല ഭാഗത്തു നിന്നും കാനഡയിൽ നിന്നും ഒട്ടേറെ നേതാക്കളും പ്രതിനിധികളും ചടങ്ങിന് എത്തി.
റിസോർട്ടിന്റെ ജനറൽ മാനേജർ ഡോണും ഫൊക്കാന പ്രസിഡന്റ് സജിമോൻ ആന്റണിയും കരാറിൽ ഒപ്പു വച്ചു.അൻപതിൽ അധികം സീനിയർ ഫൊക്കാന നേതാക്കളുടെ സാനിധ്യത്തിൽ ഒരു ആഘോഷമായാണ് കരാറിൽ ഒപ്പുവെച്ചത്.
ലോകത്തിലെ ഏറ്റവും വലിയ ഇൻഡോർ വാട്ടർ പാർക്കാണ് കൽഹാരി. പോക്കണോ മൗണ്ടൻസിലാണ് റിസോർട്ട്. ന്യു യോർക്കിൽ നിന്ന് രണ്ടു മണിക്കൂർ ദൂരം. ഫിലാഡഫിയയിൽ നിന്നും വളരെ അടുത്ത്. വാഷിംഗ്ടൺ ഡിസി, തുടങ്ങി ഈസ്റ് കോസ്റ്റിൽ മിക്കയിടത്തും നിന്നും ഡ്രൈവ് ചെയ്തു വരാൻ പറ്റുന്നിടത്താണ് ഈ വേദി.
ആയിരത്തോളം റൂമുകൾ, അറായിരത്തിൽ അധികം ആളുകൾക്ക് ഇരിക്കാവുന്ന മൾട്ടിപ്പിൽ കോൺഫ്രസ് ഹാൾ , പതിനായിരത്തിൽ അധികം വണ്ടികൾ പാർക്ക് ചെയ്യാവുന്ന വിശാലമായ പാർക്കിംഗ് ലോട്ട് , കോണ്‍ഫറന്‍സ് ഹാളുകളും , അത്യാധുനിക സൗകര്യങ്ങളോടും , പ്രകൃതിസുന്ദരമായ അന്തരീക്ഷവും പ്രസ്തുത കണ്‍വന്‍ഷന്‍ സെന്ററിനെ ലോകോത്തര നിലവാരമുള്ള കൺവെൻഷൻ സെന്ററുകളിൽ ഒന്നാക്കി മാറ്റുന്നു.
“ഒരു ഫാമിലി കൺവൻഷനാണ് ഞങ്ങൾ ലക്ഷ്യമിടുന്നത്. കുടുംബത്തിലെ എല്ലാ അംഗങ്ങൾക്കും വരാനും താമസിക്കാനും ആഹ്ലാദപൂർവം നാല് ദിവസങ്ങൾ ചെലവഴിക്കാനും പറ്റിയ വേദിയാണിത്. കുട്ടികളും മുതിർന്നവരുമെല്ലാം ഇത് ഒരുപോലെ ഇഷ്ടപ്പെടും,” പ്രസിഡന്റ് സജിമോൻ ആന്റണി പറഞ്ഞു.
ഇത്രയും വിശാലമായ ഒരു വേദിയിൽ സംഘടനകളൊന്നും മുൻപ് കൺവൻഷൻ നടത്തിയതായി തോന്നുന്നില്ലെന്ന് സെക്രട്ടറി ശ്രീകുമാർ ഉണ്ണിത്താൻ പറഞ്ഞു. മികച്ച റിസോർട്ടിൽ, എല്ലാവർക്കും സ്വീകാര്യമായ രജിസ്‌ട്രേഷൻ എന്നതാണ് ലക്ഷ്യമെന്ന് ട്രഷറർ ജോയി ചാക്കപ്പൻ പറഞ്ഞു. ഫൊക്കാനയുടെ ചരിത്ര കൺവെൻഷൻ ആയിരിക്കുമെന്ന് എക്സി . വൈസ് പ്രസിഡന്റ് പ്രവീൺ തോമസും അഭിപ്രായപ്പെട്ടു .
പെന്‍സില്‍വാനിയായിലെ കലഹാരി റിസോര്‍ട്സ് & കണ്‍വെന്‍ഷന്‍ സെന്റർ വിപുലമായ കെട്ടിട സമുച്ചയങ്ങളോടും , പ്രകൃതിസുന്ദരമായ അന്തരീക്ഷവും പ്രസ്തുത കണ്‍വന്‍ഷന്‍ സെന്ററിനെ വേറിട്ടതാക്കുന്നു.
ഏറ്റവും നേരത്തെ താന്നെ മുറികൾ ബുക്ക് ചയ്യാൻ ഭാരവാഹികൾ അഭ്യർത്ഥിച്ചു. ഇതിനായുള്ള വെബ് സൈറ്റ് ഉടൻ തന്നെ പ്രവർത്തനനിരതമാകും. നോർത്ത് അമേരിക്കൻ സാമുഹിക സംഘടനകളുടെ ചരിത്രത്തിൽ ആദ്യമായാണ് അമ്പതിൽ അധികം ആളുകൾ പങ്കെടുത്ത ഒരു സൈനിങ്ങ് സെറിമണി നടത്തുന്നത് , അതിന് ശേഷം വുഡ്‌ലാൻഡ് റിസോർട്ടിൽ നടന്ന സെലിബ്രേഷനുകളിലും ഇവരെല്ലാം പങ്കെടുത്തു ഒരു മിനി കൺവെൻഷന്റെ പ്രതീതി ഉണർത്തി. ഇത് ഫൊക്കാനയുടെ പ്രവത്തന മികവ് കൂടിയാണ് കാണിക്കുന്നത്.
കാനഡയിൽ നിൻ ട്രസ്റ്റി ബോർഡ് ചെയർ ജോജി വർഗീസ് ,ചിക്കാഗോയിൽ നിന്നും എക്സി . വൈസ് പ്രസിഡന്റ് പ്രവീൺ തോമസ് , വാഷിംഗ്ടൺ ഡിസിയിൽ നിന്ന് വൈസ് പ്രസിഡന്റ് വിപിൻ രാജ്, ജോയിന്റ് സെക്രട്ടറി മനോജ് ഇടമന കൺവെൻഷൻ ചെയർ ആൽബർട്ട് കണ്ണമ്പള്ളിൽ , മുൻ പ്രസിഡന്റുമാരായ പോൾ കറുകപ്പള്ളി, ജോർജി വർഗീസ്, കേരളാ കൺവെൻഷൻ ചെയർ ജോയി ഇട്ടൻ എന്നിവർക്ക് പുറമെ ലീല മാരേട്ട്, വർഗീസ് ഉലഹന്നാൻ, സജി പോത്തൻ, ജീമോൻ.വർഗീസ് , ആന്റോ വർക്കി , ഫ്രാൻസിസ് കരക്കാട്ടു, കോശി കുരുവിള , മനോജ് മാത്യു , മത്തായി ചാക്കോ,ബിജു ജോർജ് (കാനഡ ), ദേവസി പാലാട്ടി, ഷിബു മോൻ മാത്യു മാധ്യമ പ്രവർത്തകരായ സുനിൽ ട്രൈസ്റ്റാർ (IPCNA പ്രസിഡന്റ് ) ജോർജ് ജോസഫ് (ഇ മലയാളീ ) എന്നിവർ പങ്കെടുത്തു.
Phoenix International Convention 2026 August 6-9 at Pennsylvania Kalahari Resort
