വാഷിങ്ടൺ: 2021 ജനുവരി 6-ന് ഡൊണാൾഡ് ട്രംപിൻ്റെ അനുയായികൾ നടത്തിയ യുഎസ് ക്യാപിറ്റൽ കലാപത്തെക്കുറിച്ചുള്ള കോൺഗ്രസ് അന്വേഷണത്തിന് നേതൃത്വം നൽകിയ നിയമ നിർമ്മാതാക്കളായ ലിസ് ചെനിയ്ക്കും ബെന്നി തോംസണിനും രാജ്യത്തെ രണ്ടാമത്തെ ഉയർന്ന സിവിലിയൻ ബഹുമതി നൽകി ആദരിക്കാൻ പ്രസിഡൻ്റ് ജോ ബൈഡൻ ഒരുങ്ങുന്നതായി റിപ്പോർട്ട്. ഡൊണാൾഡ് ട്രംപ് ഇവരെ നിശിതമായി വിമർശിക്കുകയും തടവിലാക്കണമെന്ന് ആവശ്യപ്പെടുകയും ചെയ്യുന്ന സാഹചര്യത്തിലാണ് ബഹുമതി നൽകാൻ ബൈഡൻ തീരുമാനിക്കുന്നത്.
മുൻ വ്യോമിംഗ് ഹൗസ് പ്രതിനിധിയും മറ്റ് 19 വിശിഷ്ട വ്യക്തികളും മാതൃകാപരമായ സേവന പ്രവർത്തനങ്ങൾക്ക്” പ്രസിഡൻഷ്യൽ സിറ്റിസൺസ് മെഡൽ സ്വീകരിക്കുമെന്ന് വൈറ്റ് ഹൗസ് പ്രസ്താവനയിൽ പറഞ്ഞു. കഴിഞ്ഞ വർഷം ആദ്യം, കലാപസമയത്ത് ക്യാപിറ്റലിനെ സംരക്ഷിച്ച വ്യക്തികളെയും 2020 ലെ പ്രസിഡൻ്റ് തിരഞ്ഞെടുപ്പിൽ അമേരിക്കൻ വോട്ടർമാരുടെ ആഗ്രഹം സംരക്ഷിച്ചവരെയും ബൈഡൻ ആദരിച്ചു.
2024-ലെ തിരഞ്ഞെടുപ്പിൽ വിജയം ഉറപ്പാക്കി ജനുവരി 20-ന് അധികാരമേൽക്കാൻ പോകുന്ന ട്രംപ്, 2020-ലെ പ്രസിഡൻ്റ് തിരഞ്ഞെടുപ്പിനെക്കുറിച്ചുള്ള തർക്കമുള്ള അവകാശവാദങ്ങൾ നിലനിർത്തുകയും അധികാരമേറ്റയുടൻ കലാപകാരികൾക്ക് മാപ്പ് നൽകുമെന്ന് പറയുകയും ചെയ്തിരുന്നു. വൈറ്റ് ഹൗസ് ചടങ്ങിൽ പ്രസിഡൻ്റ് ജോ ബൈഡൻ 20 വ്യക്തികൾക്ക് പ്രസിഡൻഷ്യൽ സിറ്റിസൺസ് മെഡൽ സമ്മാനിക്കും.
President Joe Biden is set to honour the nation’s second-highest civilian award to Liz Cheney and Bennie Thompson
