വാഷിംഗ്ടണ്‍ : സൈനിക ഹെലികോപ്റ്ററുമായി യാത്രാ വിമാനം കൂട്ടിയിടിച്ചുണ്ടായ അപകടത്തില്‍ ദുഖംപങ്കുവെച്ച് പ്രസിഡന്റ് ഡോണള്‍ഡ് ട്രംപ്.
‘ഭയാനകമായ അപകടത്തെക്കുറിച്ച് എനിക്ക് പൂര്‍ണ്ണമായി മനസ്സിലാക്കാന്‍ കഴിഞ്ഞു, ദൈവം അവരുടെ ആത്മാക്കളെ അനുഗ്രഹിക്കട്ടെ’-അദ്ദേഹം ദുഖം പങ്കുവെച്ചു. മാത്രമല്ല, അപകടത്തോട് ആദ്യം പ്രതികരിച്ച എമര്‍ജന്‍സി റെസ്‌പോണ്‍സ് ടീം ഉദ്യോഗസ്ഥരെ അദ്ദേഹം പ്രത്യേകം പ്രശംസിച്ചു. അവരുടെ ശ്രമങ്ങളെ ‘അവിശ്വസനീയം’ എന്നാണ് അദ്ദേഹം വിളിച്ചത്. കൂടുതല്‍ വിവരങ്ങള്‍ ലഭ്യമാകുമ്പോള്‍ അപ്ഡേറ്റുകള്‍ നല്‍കുമെന്നും അദ്ദേഹം പൊതുജനങ്ങള്‍ക്ക് ഉറപ്പ് നല്‍കി. അപകടത്തിൽ അകപ്പെട്ടവർക്കായി പ്രാർഥിക്കാൻ വൈസ് പ്രസിഡന്റ് ജെ.ഡി.വാൻസ് എക്സിൽ അഭ്യർഥിച്ചു.
