സന : യെമനിലെ ഹൂത്തികള്‍ക്കെതിരായ യുഎസ് ആക്രമണത്തില്‍ മരണ സംഖ്യ ഉയരുന്നു. കുറഞ്ഞത് 21 പേര്‍ കൊല്ലപ്പെട്ടതായി വിമതര്‍ ഞായറാഴ്ച വ്യക്തമാക്കി. ജനുവരിയില്‍ പ്രസിഡന്റ് ഡോണള്‍ഡ് ട്രംപ് അധികാരമേറ്റതിനുശേഷം നടത്തുന്ന ആദ്യ ആക്രമണമാണിത്. തീവ്രമായ ആക്രമണങ്ങളില്‍ കൊല്ലപ്പെട്ടവരില്‍ കുട്ടികളും ഉള്‍പ്പെടുന്നുവെന്ന് ഹൂതികള്‍ പറഞ്ഞു.
ഗാസ യുദ്ധത്തിലുടനീളം ഇസ്രായേലിനെയും ചെങ്കടലിലൂടെ പോകുന്ന കപ്പലുകളെയും ആക്രമിച്ച ഹൂത്തികള്‍ക്കുള്ള കര്‍ശന മുന്നറിയിപ്പാണ് യുഎസ് ആക്രമണം.
വിമതരുടെ നിയന്ത്രണത്തിലുള്ള തലസ്ഥാനമായ സനയിലും കൂടാതെ ഹൂത്തി ശക്തികേന്ദ്രമായ യെമന്റെ വടക്കന്‍ സാദ മേഖലയിലും ആക്രമണങ്ങള്‍ റിപ്പോര്‍ട്ട് ചെയ്യപ്പെട്ടു.
