വാഷിംഗ്ടൺ: യുഎസിൽ നിന്ന് നാടുകടത്താനുള്ള സാധ്യതയെ തുടർന്ന് ഇന്ത്യൻ വിദ്യാർത്ഥി ഡോണൾഡ് ട്രംപ് ഭരണകൂടത്തിനെതിരെ കേസ് ഫയൽ ചെയ്തു. ഈ മാസം വിദ്യാർത്ഥികളുടെ ഇമിഗ്രേഷൻ സ്റ്റാറ്റസ് റദ്ദാക്കിയതിനെ തുടർന്ന് യുഎസിൽ നിന്ന് നാടുകടത്താനുള്ള സാധ്യതയെ തുടർന്നാണ് ഒരു ഇന്ത്യൻ വിദ്യാർത്ഥിയും മറ്റ് മൂന്ന് പേരും ട്രംപ് ഭരണകൂടത്തിനെതിരെ കേസ് ഫയൽ ചെയ്തത്. വിദ്യാർത്ഥികൾ യുഎസിലെ അവരുടെ നിയമപരമായ പദവി വീണ്ടെടുക്കാനാണ് കേസിലൂടെ ശ്രമിക്കുന്നതെന്നാണ് റിപ്പോർട്ടുകൾ.
ക്യാമ്പസ് ആക്ടിവിസം ആരോപിച്ച് അന്താരാഷ്ട്ര വിദ്യാർത്ഥികളുടെ വിസകൾ ട്രംപ് ഭരണകൂടം റദ്ദാക്കാൻ തുടങ്ങിയ സമയത്താണ് ഈ സംഭവം. ഇന്ത്യക്കാർ ഉൾപ്പെടെ നൂറുകണക്കിന് വിദ്യാർത്ഥികൾക്ക് സ്വയം നാടുകടക്കാൻ ആവശ്യപ്പെട്ട് ഇമെയിലുകൾ ലഭിച്ചിട്ടുണ്ട്. കടകളിൽ നിന്ന് സാധനങ്ങൾ മോഷ്ടിക്കുക, ട്രാഫിക് നിയമലംഘനം തുടങ്ങിയ ചെറിയ ക്രിമിനൽ കുറ്റങ്ങൾ ആരോപിക്കപ്പെട്ട വിദ്യാർത്ഥികളെയും ഭരണകൂടം ലക്ഷ്യമിടുന്നുണ്ട്.
വെയിൻ സ്റ്റേറ്റ് യൂണിവേഴ്സിറ്റിയിൽ പഠിക്കുന്ന ഇന്ത്യൻ വിദ്യാർത്ഥി ചിന്മയ് ഡിയോറെ, ചൈനയിൽ നിന്നുള്ള രണ്ട് വിദ്യാർത്ഥികൾ, നേപ്പാളിൽ നിന്നുള്ള ഒരാൾ എന്നിവർ ഹോംലാൻഡ് സെക്യൂരിറ്റിക്കും ഇമിഗ്രേഷൻ ഉദ്യോഗസ്ഥർക്കുമെതിരെ കേസ് ഫയൽ ചെയ്യുകയായിരുന്നു. വിദ്യാർത്ഥികളുടെയും എക്സ്ചേഞ്ച് വിസിറ്റർ ഇൻഫർമേഷൻ സിസ്റ്റത്തിലെയും (SEVIS) അവരുടെ വിദ്യാർത്ഥി ഇമിഗ്രേഷൻ സ്റ്റാറ്റസ് ഒരു അറിയിപ്പോ വിശദീകരണമോ ഇല്ലാതെ നിയമവിരുദ്ധമായി റദ്ദാക്കി എന്നാണ് വിദ്യാർത്ഥികളുടെ ആരോപണം. യുഎസ് ഡിസ്ട്രിക്റ്റ് കോർട്ട് ഈസ്റ്റേൺ ഡിസ്ട്രിക്റ്റ് ഓഫ് മിഷിഗണിൽ ഫയൽ ചെയ്ത കേസ് വിദ്യാർത്ഥികൾക്ക് വേണ്ടി അമേരിക്കൻ സിവിൽ ലിബർട്ടീസ് യൂണിയൻ (ACLU) ആണ് ഫയൽ ചെയ്തത്.
